مدونة الشاعر أحمد خلف الحامدي

من يوم فراقك وعيني مازارها النوم في الليل فاكراكي وفي النهار دموع بالكوم  من يوم فراقك ياعايقه هجرتي الحته لا مرتاح على مصطبه ولا على دكه  ...... زعقت على فراقك حزنوا جيرانك ربطوا ضهورهم سنه على شانك زعقت على فراقك وصحيوا من نومهم شالوا الهموم وشركوا هدومهم ....... هملتي عيالك وكيف العمل فيهم وإن قالوا بردانين مين يغطيهم  هملتي عيالك ومين يكبرهم وإن قالوا جعانين مين يوكلهم ....... أبكي عليكي يا أم ضفاير زيتي صورتك علقتها على حيطان بيتي أبكي عليكي يا أم ضفاير صفره  يوم زاعوا خبرك على النشره  ...... عايقه في القصه وفي الملبوس خالت  وهما يغسلوكي حيطان البيوت مالت  عايقه في القصه وفي الملبوس خايله  دفناكي ورجعنا لقينا حيطان البيوت مايله  .......

فقري ومنكوب صحصح وأصحى يلا وفوق  بكره هتحلى وبعده تروق  ياه عالفقري لما بيوقع ياخد واحده فايتها السوق  ........ أيوه صحيح فقري ومنكوب  و لسانه دايما مسحوب ياه عالفقري لما بيغلط لازم ياخد بالمركوب   ....... يزرع زرع لازم يبور يجيب عربيه تقلب حنتور ياه عالفقري لما بيورث وورثه يادوب حتة زنقور ....... ييجي يسافر بالطياره  علشان يبني أحلى عماره  ياه عالفقري لما يسافر  وغربته ماتجيب حق حماره ....... يعني تقول دائما منحوس  وفي البارده دائما مغروس  لما الفقري حمارته بتولد  عيلها ييجي بالبرنوس ....... 

......أحلى  أيام ...... فاكر أيام زمان  لما كنا لسه صغار  ولمتنا على الطبليه  فى الشهر الكريم رمضان  يااااااااه كان أحلى فطار  لما تقعد جنب أبوك ولا على رجلية تتكا  وبعد الفطار ما يخلص.. تقول لأبوك معاك فكه  يديك بريزه ولا ريال .. وتطلع بيها ع الدكان  كيسين لب  تتسلى... وتجيب بالباقى لبان ولو حد قالك هات شويه.. كأن راح منك مليار  وكمان لما نقعد ندفى.. كانت خناقات ع النار  وإللى يقوم ياخدله عب .. عشان طالع رايح مشوار  يعنى قال مش هيبردتانى ... هو أنت واخد كيلوا نار مره نقعد نلعب ضومنا.. ومره نقلبوها هزار  بس أحلى حاجة اللمه.. مع ولاد العم والعمه تحس إنك قاعد متونس ... وسط ناسك ومهيص أوعى تكره قعدت ناسك .. هما دول قلمك وكراسك وإن غلط فى حد غريب .. مش هيرد غير على ناسك                          ...... .. أبو الحامدى  .........

كان زمان في واحد أعرج يمشي ينقز من قريب وكان فاكر من صفاره أنه أببض من الحليب كان مجوز حرمه واحده وقال ليه ميكونش أتنين هوب هي جمعها واحده وكانوا معاه الحرمتين  القديمه غارت شويه والسبب بنتها بعرور قالت اللي خدته القرعه تبقى تاخده أم الشعور الجديده يا عيني ماتت ماكملتش ست شهور القديمه عشان عبيطه قالت يلا للي يغور  كانت فاكره شمت نفسها والسايب يصبح مربوط أتاري أبو رجل واحده كان داير بين الشطوط  راح دلوه على واحده كبيره تقدر تقول فايتها السوق  فضل يتحنجل برجله و القديمه تقوله فوق وهو نزل زي الأهطل كانه بيخمس في لحوق الخلاصه هي جمعه وكان جايبها جوا البيت القديمه قالت لو قعدت أبقى فعلا ما أتربيت وهو أتاري بيغير بدل القديم يكون جديد  هوب شويه سمعنا الخبر إنها حامل في عمجيد عمجيد دا حكايته حكايه من مطلوعه تقول عفريت تبص في وشه تقول داعمره حتى مش لاقي الفتيت  يعني تقول عليه ممكن يكون شبه القردان  وان وقف جنبك شويه تقول شوفوه ليكون جعان  تشوف امه يوم ولادته تقول دي نجحت في إمتحان هوب شويه وعايزه تأمن مستقبله لقدام  فضلت تحور على الراجل وكل شويه عليه ...

امسك امسك يا شاويش  شوفت حرامي في عز الظهر  كل كلامه شخط وعهر  وبيترسم على كرسي بضهر  وبيطالب بالبكشيش ... وإللي يشدك يا أستاذ ومن كتفك يشتغل الهزاز  واللي يقولك  غلوا الجاز بقينا خلاص في زمن التهبيش ... ومره في شارع وانت معدي تجوع وتقول هاكل على قدي  تيجي تحسبها شرقي وغربي تلاقي فلوسك ماتكفيس ... ولما إبنك يطلب مصاريف تقوله خلاص بطل تخاريف مش لاقيين تمن الرغيف  تتقهر وتقوله مافيش ... بكره هتفرج وهتتعدل دا بقينا في زمان مقندل والفقر دايما يتحنجل ونستنى الفرج مايجيش ... والجوع يقتل في الخلق وإللي مش عاجبه يتفلق فلق  هي ضاقت وجابت للحلق  ونتمى الموت أحسن مانعيش ... لاخير في مولود ولا والد ولا حتى في محمودولا خالد ونتلموا في الموالد  ونفقر ويا الدراويش  ....... الخلاصه في نصيحة خلان الموت لو جاك خده بالأحضان صدقني هتبقي في الأمان  ماهو لو مش عايش على إيه هتعيش؟؟ ماهو لو مش عايش على إيه هتعيش ؟؟

زمن يواسي زمن والدنيا غداره وأيام تواري أيام وعايشينها بخساره وقت الفتن كتر.. وبنخاف من أقرب ناس ولا حد قال حاس..حاسبوا دي خراره  ...... حاسبت على ذلك يازمن. وعندي ملكشي حساب بعتني بأرخص ثمن وتبرر الأسباب  بتعكس معاي وعند الحق وتجادل  حكمك معاي مش عادل.. وبتعدل مع الكداب  ...........

قلبي لصنف النساء كياد يهجرها في ليلة شتاها مش كل من رمى الشبك صاد ولا كل من حبته سكن حشاها

هل نام أهل النخوة وغلقت عليهم الأبواب أم أصبحوا عجزة وتخلوا عن العروبة والأنساب أم أوطانا صارت لنا عدوا وأعدائنا أصبحوا أحباب نرى في بلاد الجوار حلمنا وأصبحنا في بلادنا أغراب يا أمة المليار كم نزفت جروحنا ولا نجد لها العلاج كم من شهيد أحرق قلوبنا ومن أحرق قلوبنا يزداد به الترحاب  كم نزعت الرحمة من حكامنا وهجموا علينا كما الذئاب كم ظننا أن يأتي منهم عمرو وها ظننا قد خاب

وإن كنت ناوي على الخراب  هي لوحدها خربانه وكل أولادها أهي هربانه حتى اللقمه اسهل شي بقينا نجيبها بإهانه وانتوا معاكوا أهي ولعانه أحسن لبس وأحسن أكل وأحسن عيشه عايشنها  وتيجوا عند الغلبان حتى حقوقه واكلينها  نهبتوها لحد ماجات عالجنط ومتوفر ليكم أكل البط وبعد الأكل رياضه وحبل ونط وياريت لينا البواقي سايبينها بيداس علينا زي سيجاره  وعقب مرمي في الحاره  وتشتروا أغلى طياره  وتقولوا بعرقنا جيبينها  بلد ومسكتها عصابه  لا خلت مراسي ولا طابا وهرستوا ناسها بنشابه وتقولوا إحنا ساترينها كل حاجه بقت كوسه  وتقولوا دي خطه ومدروسه ومع المحبه والبوسه  تقولوا دا كنا بايعنها أرضها للغريب تتباع والغريب دايما طماع وعنده يشتغلك تباع  وبكيفه يطردك منها

قوم يا ألاتي طبلي وأعزف عالناي حزني  زماني عمره ماطاب لي وقت وجيعته يعوزني

أشكيك لمين يازمن.. على همومك وأحوالك. أنا إللي ياما أسيت ولا حد قال مالك نصفت صنف الردي وأديته جميع مالك وزليت صنف الأصيل حتى في سؤالك مع إنه ولا يوم خاااااانك أصلك يازمن معروف بترسي الردي على البر تلبسه حرير حر وكل ما له ما يتغر  وخسفت بالأصيل الأرض وحاله بقي مايسر  بتكتم أنفاس الحر أما الردي مخليه على بالك

أنا مين  أنا إنسان ولا جماد ولا نبات  أنا الحلم إللى كله أهات  أنا المطيع وأنا الغلبان وأنا إللى كلى سكات  أنا الشقيان وأنا المحروم من حقى ليوم الممات  .. أنا مين  أنا إللى عدت عليا سنين مادوقتش فيها طعم الزاد  أنا إللى كل يوم أقول تتعدل أتاريها ملهاشى ميعاد  أنا أللى سافرت وياما كافحت وعمرى كله عدى وفات  أنا أللى ياما شربت عذاب ودلوقتى تقولى ماليشى أولاد .. أنا مين  حرام عليكى تطلع من بوقك بكره تقولى ماليش أحفاد  ماكنتش عايز أسمع منك دى قسوه منك ولا عناد  هو خيرك ليه لغيرك مش إحنا أولى من الغربه فى البلاد ولا عشان ضعيف وحنين . قوم تأجريلى جلاد  .. أنا مين  أنا إللى يوم ماغزوكى زمان أنا إللى كنت من قدام  أنا إللى رويت رملك بدمى . كانت حقيقه مش أحلام  أنا إللى ياما سهرت ليلك . رغم أنه كان كله ظلام  أنا جيشك وأنا نيلك .ماتبعينيش بحق إسمك فى القرآن  .. أنا مين  أنا حقى فيكى كل حاجه .. حرمانى ليه من كل حاجه  لما تحتاجينى بتلاقينى .. أبوس أرضك وأقول عباده  وأشيل روحى على كفى .. لا يهمنى...

الفساد عم البلد ونجومهم مسمعين والهز شغال تمام مره شمال ومره يمين والكبار عاطينها زاويه قال يعني مش شايفين وإللي تشوفهم بيصيفوا لأ عفوأ قصدي مشلحين وإللي إتصدروا المشاهد من ورا وقدام نافخين طب حد يقدر يقول ملايكه طبعاً دول شياطين وإللي معاه فلوس أهو عايش مامعهوش قاعد حزين  وإللي يفرسك لما يقولوا إحنا بنهز وشقيانين  وربنا بيباركلنا علشان فعلا مجتهدين  زمان طلعولنا برقصة كيكي ساعتها قالوا غلوا البنزين فا متزعلوش من سرسجي يرمي فلوسه في البيسين إزعلوا بس لما نموت وما نلاقوش تمن التكفين وبكره تيجي كيكي عبده وأهي من ضمن الفنانين  ويصطفوا وراها بهايم كان نفسي يكونوا مربوطين ويترشح السرسجي يخلوه نقيب الرقاصين

بيب بيب بيب بيب كان زمان سبع البرومبه أبو رأس زي الكرنبه راح فقعنا كام بومبه  وقال والله أنا الطبيب بيب بيب بيب بيب.. الجروح عارف علاجها والدواء وخداه في معادها  وبفتاكته أبو مخ كبير قام وجابها  وداس عليها مين بس يقوله سيب  بيب بيب بيب بيب  حكمه ليها كان أحلامه  ولا في يوم حد لامه  كله صدقه من كلامه  عرف يبصيها إبن  اللعيب  بيب بيب بيب بيب  قال جبنا جول ياحبايب وياللي حاضر وياللي غايب كل الشعب بقيلوا نايب  وهوب راح مغلي الأنابيب بيب بيب بيب بيب  قال أنا طول عمري محايد بغطس شويه وأطلع صايد  وهوب هدفه طلع أوفسايد وماخدنا منه غير التخريب  بيب بيب بيب بيب  يعني يغلي السولار  وبكيفه يلعب بالدولار  حكمها بالحديد والنار  وقالي أوسع مامعاك جيب  بيب بيب بيب بيب

وبعد هالك يا بلادي وبعد هالك في ولادك  للكل بقيتي بتهادي ونسيتي جذورك ووصالك بترميني في جحيم وغياب أمتى يتصلح حالك بدلتي ليه الوجع بعذاب  تفتكري قلبي هيصفالك بعتيني رخيص طب إيه نابك  وليلاتي دمعي على خدي كرهتي ليه بس  أولادك  قوليلي ليكي مين بعدي  مش لو كنتي ماسبتنيش كنا للبر هنعدي  وكنت أشيلك على راسي وأقول دي أمي شيلاني  شربتيني مرار قاسي ووسط غيلان سيباني بقيتي قاسيه ليه عالكل  وماتناكفي غير الحر ليه لما تقولي مساء الفل أجي أبلعها أحس بمر  من مساكي بقينا نخاف ومن صباحك نترعب بقيتي معانا كالقشاش  وفي أي لحظه بنتسحب طب كرهانا شكرا ليكي وعرفنا تفديرك لينا شوفنا إيه يعني منيكي قضيتي على كل شئ فينا بس أقولك أنا مش هبيعك وأوامرك لو أشرتي بصباعك يا أم الكون والكون مايسيعك  ياريت تشوفي مين باعك 

وايه اخر العتاب  مع ناس خانة الود  نظلمهم لو قلنا كلاب ده الكلب في غيابك بيسد

....... محبوبتي...... قليلة الكلمات كثيرة الضحكات لها عينين عسليتين دكتوراه في النظرات يهيم قلبي بعشقها ليس لكونها أجمل البنات أو لأنها كمثل شجرة ترمي أطيب الثمرات ............ يا زينة صباها ويا شعرها الهداب ويا جمال خطاويها ونيني عيونها البراق ساعة ظهورها عالساحه بتوقف كل الشناب وكل من قرب ليها يقول عشقها حراق ............ كل البنات في كفه وهي وحدها مكيال زينه وجمال ورقة وسطها الفتان من عشقي ليها بمشي الطريق أميال ما هو أنا برضوا في أختيار النسا فنان ............. عشق النسا فن مش كل من عشق نال فيهم إللي تعشق من القلب بس طبعها غدار صنف النسا حنين. ومش كل النسا ميال من بره عشق وحنان.. ومن جوه بير أسرار .............. جمال النسا ياعاشق مش لازم يكون بالشكل جمال النسا في الروح ويا عشق القلب يا ما نسا شكلها مقبول ومن جمال الروح تتاكل أكل وياما. نسا جمال الشكل بيدوب بس دايمآ ردها بالسلب ............... وفيه نسا تحب الدلع واللبس عالموضه ونسا تحب الستر والعيشه وراجلها وفيهم إللي تعيشك أيام كلها سودا وفيهم إللي بكل الحب تعاملها ......... نصيحه ياعاشق صنف النسا عاير  ونقي إللي قلبها أبيض وأم...

سيف الرجوله نخ وحديده كلته البرومه  كيف راجل زي الجمل نخ  ولاعاد ليه قومه  زمن الحريم أسترجل وكلمتهم كمان ماشيه وذكوره عايشه بس من الرجوله محرومه    

وزرعنا شجر الموده وبالعسل سقيناه قولنا في يوم الشده لو نميل نلقاه  طلعت تقاوي هلس وعيدانوا تملي تميل يشبه زول عويل ..ورا ضهرنا رميناه

يابياع الصبر...... مواااال.....  يابياع الصبر قولي  الكيلوا بكام محتاج منك أشتري عشان أصبر عالأيام ورجح كفة الصبر عشان تصلب مع الألام  أيام صبحت مريرة  وعيشينها والسلام .......... وبحور المحبة جفت وصبحت برك معدوم وأيام الوجع زادت والقلب إمتلئ بهموم حتى النظر فى العين صبح من الشوف محروم دا قلة البخت خلت إبن الأصول مظلوووووم ...... قال بياع الصبر يا إبني الصبر مش بالكيل الصبر يا مبتلي بيتزرع بالفدادين ياما ناس صبرت عالذل لحد ما راح الحيل وزرعنا فدادين ولكن هنوزعه على مين ......... أنا كنت فى صباى زي الوتد واقف وكنت للرجولة عنوان وقولي قديها ساعة إسمي يتذكر تلاقي شنابات واقف ومش كل المواقف ساعة الجد تعديها  ......... الدنيا يا ولدي زي ورق مع زهر بتلعب حظها مع إللي عايزاه لوعطتك يوم بالغلط بتقلب عليك شهر زي الغزية بترقص للكل بس بتروح للي ريداه .......... الزمن طول عمره قاسي ولايحنش ومطوق عليك بحديد مايلينش ساعة يشوفك يعمل أعمي ويطنش والمية من تحت إيدية متسيلش ........ أصبر على الزمن وبلاش تشتريه غالي دا ياما ضحك على ناس وغواها ومهما ربنا يديك بلاش تطلع في العالي يام...