زمن المأسي

زمانك دوار لا ليه حبيب ولا صاحب

ودايما خطاويه صعبه وطريقه كلها إهانه

ليه قلب زى الحجر جاحد

وأدينا عايشين فيه والسكين سرقانا

مهما تجرى فيه لا طايل سما ولا أرض

وسكته طويله مش جايبلها حدود

وأخوات البطن مبقيتشى تخاف على بعض

هيعملك إيه الأخ طالما رب العباد موجود

طيب هيفضل لأمته ماشى فى طريق معكوس

وتفضل تعافر معاه وياخدك فى سكه هلكانه

ولو فكرت تفرح يوم ييجى ع الجرح ويدوس

حتى لو موجوده الفلوس برضوا الخلق تعبانه

أشكى حالى لربي وأقوله شكوتى عندك

تحنن عليا الزمن ويكون نصيف للكل

مش كل ما تفكها من عندك

يقوم الزمن يسقينى الذل

أنا عارفك يازمن دوار بس مشوارك طويل

وتاعب معاك الخلايق ودفاترك معبايه

تعبت البشر وخليته يمشي ذليل

حتى خيالى فى الأرض بقى تعبان ويايا

أيامك يازمن لافيها هنا ولافرح

لا وقفت يوم معانا ولا جبرت بخاطرنا

كتابك مأسى يطول فيها الشرح

ولو كان عالجرح ربك هو أللى ساترنا

....... شاعر الشعب أحمد خلف الحامدى .......

مدونة الشاعر أحمد خلف الحامدي