مش كل مرة

مش كل مره 

مش كل مره تتشطرى وتتعاجبى 

وتتمايلى بجمال خطاويكى 

أنا بس لما رفعت حاجبى 

ماكنتش متيم بيكى 

..

ولانظرتى ليكى كانت تتملى بجمالك 

ولالحظه فكرت إنى أكون ليكى 

وحتى لوكان الطريق إللى بينا سالك 

عمرى ما أبيع نفسى وأشتريكى 

..

لما كنت أعدى من قدام بابك 

مش عشان أشوفك وأرتوى 

دى كانت طريق ومافيش فيها مفارق 

بس إحساسك خايب كان يقولك بينكوى 

..

أنا فى الحب دارس كتب وروايات 

وياما سهرت الليل عشان أقرا وأتعلم 

تقولى قلبى مجروح ومن العشق مات 

ياك كل إللى مات كان للعشق بيسلم

..

أنا عمرى ماكن ليا معاكى كلام 

ولاحتى وعد طلع من لسانى 

ولا عمر عشقى إنتهى بألام 

ولا فكرت لحظه فيكى ولا حد واسانى 

..

ثم الحب من طرف واحد خايب وما يليقشى

ولوعملتى ملكه عمرى ما أكون ليكى 

أصل إللى خد درس من الحب وما يفيقشى 

يستاهل إللى يجراله منيكى 

..

كنتى فكرانى فى العشق ماليش ماضى 

وعايزه تلعبى بمشاعرى وبقلبى  

كل إللى بتحلمى بيه شئ عادى 

ما هو الحلم للى زيك مابيكونش رؤيه من ربى 

..

كل إللى كان بينا شقتك قصاد شقتى 

وشباكك كان قصاد شباكى 

بس البيت كان ملك جدى

وأنتى فاكره وقعت فى هواكى 

..

                ........ شاعر الشعب أحمد خلف الحامدى .........