يوم ولادتك
يوم ولادتك
يوم ولادتك شمسه ماطلعتشي
ليلتها كنا قاعدين فرحانين
والقعده كانت تمام
أمك لما نعست قالت أسمحولي أنا طالعه أنام
.....
طب ياستي بالسلامة وراحة البال
فضلنا قاعدين نحكي حكاوي
ونكمل سهرتنا عادي فجأه سمعنا صوت بينده
إلحقيني يا هنادي
........
قالتلها إيه إللي حصل معاكي
مش لسه طالعه يا فكريه
قالت لافيني التوب وراكي
شكلي هولد من عشيه
......
وسمعت صرخه ولا صوت رصاص
صحت فيها كل الجيران
قالوا دا دعبس بيضرب مراته
والوليه حبله مش حمل جنان
.......
وسمعت واحده من جيراني
ست كبيره كانت واعياني
بتبص من الدور الثاني
وقالت عيب ياواد ياخربان
.......
والله مراتك طول اليوم بتعاني
تمسح وتكنس وكل ما أقوم تروح مسكاني
وتقولي يا خاله وجيده حاسه بطني وجعاني
وأنت عملت زي الحايسه وطول نهارك ماتبان
.........
قولت يا خاله وجيده مراتي بتولد مش بضربها
أنا كنت قاعد مع أولاد عمي وفجأه كأني حد بيكهربها
صرخت صرخة أكيد سمعتي قالت انا جايه أنزل انت وسيبها
هي عشان أول ولاده تاخد وقتها يا سرحان
..........
قعدوا معاها لوش الفجر
وامي تدعي ولكل مقام تندر ندر
والدايه تقول أوعي في يوم ماتوفي الندر
ولما ولدت في الصبح بدري أمي قالت نسميه
بدر
.........
وياريتها يوم ولادتها كانت عليك قعدت
عملت زي النسوان لو تنكشها بكلمه نغدت
خلفتك كانت زي سما مطلوسه طلس
واعطتنا يومها أمارة يوم ما طلعتلهوشي شمس
...... الشاعر احمد الحامدي........
تعليقات
إرسال تعليق