مدونة الشاعر أحمد خلف الحامدي

أنا إللي أهلي ظلموني في نص الطريق وسابوني عمري ضيعته عليهم  وساعة مارقدت مارحموني لاولد كبير أنا يسندني  وقت ما أميل أقول يا أبني الشعر شاب والحيل أتهد جحود القرايب شيبني

كل ما أبص في ملامحك ما أشوفش فيه غير الأحزان  أوعي تصدقي إللي بيقولوا باعوها بأرخص الأتمان ولا إللي يقول خلاص داخله أول مرحله من الجوع مش بس أنتي إللي بتضحي ما كله بيتولد موجوع  يمكن يكونوا بيعافروا عشان تفضالهم أحضانك والله من قلبي حبيتك حتى في وقت أحزانك وعايزه تكابري وتداري وتعملي ولا همك  أضحك في وشك وأقول كدابه ما أنا ياما خدت من دمك كنتي تشيلي وكنتي تدادي وعند لمسي بتسمي  كنتي بترمي كتير ورا ضهرك وما تشليش غير همي ياحضن دافي لولادك ليه عايزينوا يكون جافي  كنت وقت ما اقول تعبت تقولي تعالى على كتافي حامله فوق كتافك كتير حتى إللي طبطبتي عليه حبك أقولك حاجه ومتزعليش حتى لو بعتينا مش ذنبك  إحنا إللي مكانش فينا خير يحافظ على طيبتك  إحنا إللي كنا شباب طايشين ومحترمناش في يوم هيبتك وهضحك في وشك وأبتسم ماهو في الدنياماليش غيرك ومهما أديكي من عمري ما هو برضوا كله من خيرك  تعيشي يا مصر يا أم الدنيا يا مأكله الكل من عيشك تعيشي يا مصر بقيادتك ويحمي يارب كمان جيشك و إللي يقولك دي بايعينها كلمته ماركباشي  من غيرك إنتي يا ست الكل ذره في الكون ما نسواش...

الوجع الغشيم  ياللى بتسأل ع الوجع أوجاع الناس أنواع  فيه إللى موجوع من أقرب الناس ليه  وفيه إللى موجوع م الغش وم الخداع  وفيه إللى موجوع من حبيب غاب وأنسيه  .. وفيه إللى موجوع من غربته وبيعافر مع الأيام لاشاف فيها هنا ولاعينه زارها النوم  وفيه إللى موجوع على عشره إنتهت بألام والقلب مرضان وأتعبى كله همووم .. أنت فاكر وجع الناس لازم يكون ظاهر ع الوش  ياما ناس تبتسملك بس بتكون على غش  الوجع يعنى جمل يتحمل وميبينش  ولو كان ع الوجع كله موجوع وما بيظهرش  .. وفيه إللى موجوع من الداخل وضحكته مفرقاه  عزاله حواليه نايمين وهو دمعته مصحباه  لا. لاقيها من أخ ولا من عم ولا من خال  ولو فكر يوم يوم يشد الرحال تلاقيها معاكسه معاه  .. الوجع يعنى تكون بتموت ولسه واقف على رجليك  وتفتكر اللمه بتاعة القرايب لما كانوا حواليك  أيام ما كنت بصحتك وعمار البيت فى الجيب  ولما وقعت ياديب حتى الأخ حط عليك  .. وفى نهاية الكلام خلى وجعك بينك وبين نفسك  ومهما تحب فى الدنيا ماتحبش غير أكتر من نفسك  إحفظ همك وسرك مايطلعشى ...

زمن المأسي  زمانك دوار لا ليه حبيب ولا صاحب  ودايما خطاويه صعبه وطريقه كلها إهانه  ليه قلب زى الحجر جاحد  وأدينا عايشين فيه والسكين سرقانا  .. مهما تجرى فيه لا طايل سما ولا أرض  وسكته طويله مش جايبلها حدود  وأخوات البطن مبقيتشى تخاف على بعض  هيعملك إيه الأخ طالما رب العباد موجود  .. طيب هيفضل لأمته ماشى فى طريق معكوس  وتفضل تعافر معاه وياخدك فى سكه هلكانه  ولو فكرت تفرح يوم ييجى ع الجرح ويدوس  حتى لو موجوده الفلوس برضوا الخلق تعبانه  .. أشكى حالى لربي وأقوله شكوتى عندك  تحنن عليا الزمن ويكون نصيف للكل  مش كل ما تفكها من عندك  يقوم الزمن يسقينى الذل  .. أنا عارفك يازمن دوار بس مشوارك طويل  وتاعب معاك الخلايق ودفاترك معبايه  تعبت البشر وخليته يمشي ذليل  حتى خيالى فى الأرض بقى تعبان ويايا  .. أيامك يازمن لافيها هنا ولافرح  لا وقفت يوم معانا ولا جبرت بخاطرنا  كتابك مأسى يطول فيها الشرح  ولو كان عالجرح ربك هو أللى ساترنا              ...

مش كل مره  مش كل مره تتشطرى وتتعاجبى  وتتمايلى بجمال خطاويكى  أنا بس لما رفعت حاجبى  ماكنتش متيم بيكى  .. ولانظرتى ليكى كانت تتملى بجمالك  ولالحظه فكرت إنى أكون ليكى  وحتى لوكان الطريق إللى بينا سالك  عمرى ما أبيع نفسى وأشتريكى  .. لما كنت أعدى من قدام بابك  مش عشان أشوفك وأرتوى  دى كانت طريق ومافيش فيها مفارق  بس إحساسك خايب كان يقولك بينكوى  .. أنا فى الحب دارس كتب وروايات  وياما سهرت الليل عشان أقرا وأتعلم  تقولى قلبى مجروح ومن العشق مات  ياك كل إللى مات كان للعشق بيسلم .. أنا عمرى ماكن ليا معاكى كلام  ولاحتى وعد طلع من لسانى  ولا عمر عشقى إنتهى بألام  ولا فكرت لحظه فيكى ولا حد واسانى  .. ثم الحب من طرف واحد خايب وما يليقشى ولوعملتى ملكه عمرى ما أكون ليكى  أصل إللى خد درس من الحب وما يفيقشى  يستاهل إللى يجراله منيكى  .. كنتى فكرانى فى العشق ماليش ماضى  وعايزه تلعبى بمشاعرى وبقلبى   كل إللى بتحلمى بيه شئ عادى  ما هو الحلم للى زيك مابيكونش رؤيه من ربى...

ريحونا وأدفنونا  ريحونا وأدفنونا قبل ماتغلى الكفان أهو أحسن ما نموت بالبطيء قبل ما الريحه تبان  ريحونا وأدفنونا ونتقابل يوم الحساب  قبل ما تغلى العجينه قبل ما تبيعوا التراب وأكتبوا على المدافن للبيع وقابله للتفاوض البسيط ومين هيرضى بالإهانه غير فئة الشعب العبيط وقبل ما تقروا الفواتح والدعاء للميتين وطوا الحفره 5 متر لأجل منكون مستورين يمكت نلاقي في الأخره راحه ونرتاح من الكدابين إن قالولك روح شمال إعكسها أنتوروح يمين  مره يقولوا جاي سواد ومروه يقولوا الدنيا عال تحس إنك بجد قاعد وسط ناس شلة عيال إدفنونا وريحونا مابقاش فاضل قد إللي راح ياما عشنا العمر كله تعب وكد سنين كفاح

تاريخكم أسود ليه كل حاجه خابت وبقت ضلمه  ونحاول نبرر تملي حاجات لناس ظالمه بقينا في دايره كالساعه ودنيا نارها لساعه بنينا بيوت بعرقنا نصحى نلقيها متباعه هدمتوا طموح شباب تعبت شباب مسكين  تبص في وش أجدع شاب..تلاقي وشه تملي حزين مين خلى ست تشيل الهم وعلى خدودها نازلة تملي دموع مين إللي كل ما تطالب بأبسط حق يقولك أقفل الموضوع دا مش فاهم ودا مش دارس ودا يبقى من إياهم  وإن جيت تقول ظلم وحرام في القايمه تتحط وياهم  وتطلع ناس تقول ماشيه وبلدنا ياخويا زي الفل أنزل أبص بعيوني ألاقيها ضاقت وخانقه الكل  كرهتونا في بلدنا وحببتونا في بلد غيرنا كل ما نحط إيدينا على المسار بتغيروا خطوط سيرنا بنعافر معاكم و بنحاول نعيش فيها لحد الأخر  أقول مهما حصل فينا دي بلدنا ترد عليا بكلام ساخر  بدلتوا وشوف كنا نقول دي نازله ملاك تنقظنا جوعتونا وبنيتوا قصور وجاي تضحك وبتغيظنا  شيلتونا فوق حملنا حمل زودتوا على الهموم 100 هم ياناس عيب وأختشوا ياخلق خلوا عندكوا دم  كله هري في كلام فاضي وشعب طول عمره بيتخم مين قال مش فاهمين كلامكم.. ياخلق دا الكلام يتشم  زرعتوا الخوف ...

...... يوم ما حبيبي مات......  أول مره أحس إني وحيد حسيت الزمن إنه لماضيه بيعيد  عرفت يومها يعني إيه بانت عليا تجاعيد  حسيت الدنيا عدد أيامها بيقل .....  عارف يعني إيه بإيدك تدفن حبيبك عارف يعني إيه تبقى بتشوف وفجأه بتضلم طريقك عارف يعني إيه تكمل عمر بدون سنيدك يااااااه يازمن امرك عجيب لما تنجح إنك تذل ......... حملك هيتقل بس لو راجل شيل مش حملك لوحدك دا حمل جيل ورا جيل وجعك من اليوم هيزيد وتعشق حزن المواويل هتعرف يعني إيه راجل لازم يعافر ومايمل .....  يوم ماتفارق حبيبك مش هتحس إنك شاب يعني لما تبقى واقف لوحدك تصرخ تقول دبر يارب هتعرف في ساعتها  يعني إيه كلمة أب  لما كنت تعجز تطاطي كان بإيده عنك يقل ..... بعد الفراق هتحس إنك كبرت في العمر ولاعاد تفرق بين السود والحمر ولا عاد العشق زي زمان مابين بيض وبين سمر إنسى الدلع.. وإدفنه مع حبيبك راح الدلع مع إللي كان مايكل ......... الأب سند وبعد الآب ماليك حد مهما دلعك يزيد واقف وراك حيط سد وياااااه على حنان الآب لما يادي الخد عالخد من بعد أبوك لاتقولي حبيب ولا خل ........ 🌹 🌹 🌹 🌹 الشَّاعِر أَحْمَد الْحَامِ...

..... أنا الموجوع..... أنا الموجوع في غيابك  وأنا إللي ياما دق أبوابك  وأنا إللي سهرت لحد الصبح وإن غلب. عنيا النوم أخد غفوة  على أعتابك وأستنى طلتك من الباب وعنيا فيها ألف عتاب  أهون عليكي أنام في الطل  وف عز الشتاء القارص ومن مطره أقوم متبل أنا ف عرضك شوفيلي حل  مسكين ودوبوا المعشوق ومحروم من الحنان مايدوق وعشان العشق مش ساهل لازم أتذل ..... يعني لازم أتذل...     العمر بيجري وعايزين من بعضنا نشبع  لو كبرنا وشبابنا راح الكل فينا راح يطمع

وهحتاج إيه منك غير ضمهوأسرح في حضنك الدافيولو كل الكون كان ضلمهفي حضنك بشوفه نور صافيوأتوه في حضنك الوناس وأرمي الدنيا ورا أكتافي لو عالجوني كل الناس دواكي أنتي هو الشافي ياطيبه معجونه بمية وردياصوت أحلى من التغريدفي حضنك إنتي ما أحس ببردوفي حبك تملي شريدوأبص في عينونك العسلي وأشرب من  نهد نهر الشوقوعسل عيونك الصفيان يفرق بين المغشوش من الأصليووسط عودك الفتان وجمال شعرك المدهونلو خيروني أكون سجانليكي هكون وأكون وسجنك يكون في أحضانيوأتحفظ على طرح التوت ولو عمري على إيدك ثواني موافق لو حتى هموووتلا فيه في دلعك ودلالكولاشوفت زيك بنات تانييندا البصه بس في خيالكتدخل سرايا المجانين

أنت حبيبي  أنت الروح وأنت العين وأنت القلب أنت إللي لو مالت عليا الدنيا تكون ليا الجدار الصلب  أنت الحياه إللي من غيرها مايبقالي وجود بالكون  أنت إللي بتغير حاجات جواي وتبدلها بأجمل لون أنت كل حاجه ليا بشوفها في حياتي أنت الأب وأنت الأخ وأنت كل أوقاتي أنت عارف وأنت بعيد بحس بوحدتي القاسيه  وتوريني الدنيا حاجات .. وكتير أوجاع تكون أسيا بحبك يا أغلى كل الناس يا ونس في ليلي وأيامي بحبك يا أجمل طيف بحبك حتى في أحلامي  ياأجمل حد في الدنيا بحس معاه بأماني أنت الحب وأنت العشق وأنت كل أوطاني أنت  ضحكتي وأنت عزي وأنت إللي عليه بتسند أنت لما تغيب عن عيني بحزن.. ولما ترجعلي أحس إني لسه بتولد  يارب يحرسك ليا يارب ما أتحرم منك يارب يهون عليا وقت الغياب وترجع وأترمي في ضلك

صعب الوصف  كيف أوصفك والوصف يتوصف كيف وصفك صعب زي موجة تيجي لا تعرفها شتا من صيف طب من فيه عقل يتملى بجمالك ويردد كل ثانيه تفوت ويتغزل في ألحانك لحنك لا يوصفه عود ولا ناي ولا حتى أورج بزراير تلاقي الفنان عايز سنه يفكر ويطلع بالأخير حاير  ماهو صعب يوصف تين على رمان على تفاح  وتدوبي قلبه وعقله وفكره وفي الأخر ماهوش مرتاح لما تهمي ساعة الصبح وأسمع فتحة الباب وتبصي لبره بعيونك فيغلبك ويظهر شعرك الهداب  صباحك يابت مش زي أي صباح  وإللي بيصتبح من نظره منك يبقى فتح عليه الفتاح  ياقلبي أقرب على جبينها لما يلمع ساعة العصر لاتقولي لبنانيه ولا أوربيه ولا حتى زيها بت في مصر بحب أغازلها بنت الإيه عشان بس تتبسم وما أقلكش على أبتسامتها ..ياه تقول باسم ولو قولتلك على عيونها نظرتها تخلي الشايب يبقى شباب معزور أنت عشان ماشوفتهاش فأكيد هتقول كداب  فصعب الوصف لو كملت هقول كلام لا يمكن يتقال ويمكن الناس إللي بيحترموني قوام من النظر هتشال  فهخلى باقي الوصف على جانب وهسكت على كل الأحوال أحسن هخبط في الكلام ماأهو أصله الكلام ببلاش ولو زودت شويه عليكم ولساني زلف بكلام فهت...