مدونة الشاعر أحمد خلف الحامدي

ليه يازمن تاعب الأصيل ودايما ع الحر مايل  وشوهة صورته بين قال وقيل والهلس سوا الهوايل  ....... طبعك يازمان غدار  وفي الضهر تضرب وخاين عارف نفسك إنك كما الفار ولا تواجه إلا فى كماين ....... نوم الأسود هيبه وأمان وفى لحظه ياخد قراره  لو عزوتك 100 فدان بيجلحها هو بحماره ....... صاحب الحق طول عمره واقف ولا يوم يهمه غريمه الرجوله إسمها مواقف مش يروح يشور حريمه ...... الغابه مليانه فتوات والسبع واقف مهابه  المثال بيقول السبع لو مات بتعمل حسابه الديابه .......... روح يا أبو عنق بلا هم جحش مطلوق مين سابك  أمشي على قدك وأتلم لأحسن أقيد إللي جابك  ........... ياك نسيت جدك وكارك مين كان يمشي ومين راكب لو كنت ناسي أنا أفكرك جدك حرامي مراكب ..........

.... ناكر المعروف... ومشيت مع ناس وكنت فاكرها دهب صافى وعملت ليها خدى مداس وشلتها على كتافى وصرفت عليهم إللى مصرفتهوش على أهلى ولا ناسي ولبسته ثوبى و عمامتى ومداسي ومشيت أنا حافى ......... وقلت وقت الشدايد يكون عصايتى وعكازى وفى كبر سنى يشيل همى ويبقى كمان سندى ويوم ما أقول أه يقوم بدور ولدى ويشيلنى ويبقى هو رفيق دربي ........ خلاصة الكلام إديتوا كل ماعندى وحتى البيت سجلتهوله ثمن واصل وخليته صاحب أملاك وأنا عنديه ساكن ماهى قلة الخلوفه تضيع الملك والساكن .......... وفضلة معاه سنين سقانى المر وعمايله وإتجوز وخلف وعزوته كانت وراه سنداه أنا إللى بسبب الخلفه ضاع ملكى وإللى كنت أنا شايله أوعى تفكر الملك ليه عازه لومفيش رجال حمياه ........... عملت منك رجال وقلت هو إللى شارينى نكرت خيرى ومن البلد عايز تمشينى وأول ضربه منك كانت قصاد عينى وكل ما أبص على بيتى نار حاميه بتكوينى ......... أدعى عليك ولا على نفسي  ولا على على الزمن إللى هو أساس يأسي ولا أستاهل أنا إللى معملتش حساب نفسي  ولحظة الموت هو كفنى وبعدين خلاص أنا منسي .........

يوم ولادتك يوم ولادتك شمسه ماطلعتشي ليلتها كنا قاعدين فرحانين والقعده كانت تمام أمك لما نعست قالت أسمحولي أنا طالعه أنام ..... طب ياستي بالسلامة وراحة البال فضلنا قاعدين نحكي حكاوي ونكمل سهرتنا عادي فجأه سمعنا صوت بينده إلحقيني يا هنادي ........ قالتلها إيه إللي حصل معاكي مش لسه طالعه يا فكريه قالت لافيني التوب وراكي شكلي هولد من عشيه ...... وسمعت صرخه ولا صوت رصاص صحت فيها كل الجيران قالوا دا دعبس بيضرب مراته والوليه حبله مش حمل جنان ....... وسمعت واحده من جيراني ست كبيره كانت واعياني بتبص من الدور الثاني وقالت عيب ياواد ياخربان ....... والله مراتك طول اليوم بتعاني تمسح وتكنس وكل ما أقوم تروح مسكاني وتقولي يا خاله وجيده حاسه بطني وجعاني وأنت عملت زي الحايسه وطول نهارك ماتبان ......... قولت يا خاله وجيده مراتي بتولد مش بضربها أنا كنت قاعد مع أولاد عمي وفجأه كأني حد بيكهربها صرخت صرخة أكيد سمعتي قالت انا جايه أنزل انت وسيبها هي عشان أول ولاده تاخد وقتها يا سرحان .......... قعدوا معاها لوش الفجر وامي تدعي ولكل مقام تندر ندر والدايه تقول أوعي في يوم ماتوفي الندر ولما ولدت في الصبح بدري أ...

ستي أم ابوي بتحكي عن أمي ........ سلامات ياستي وكيف الحال مساك ورد وحالي عال العال أقعد في ريحي شويه لسه كنت عالبال خير ياستي فيه حاجه مزعلاكي لا يا كبدي كنت عايزه أحكيلك من أمك احوالها ياكبدي إتغيرت معاي لسه أمبارح كنت في سيرتك إتعشيت والنبي مادقت الشاي وستك كبيره ياكبدي مش قادره أقوم والنبي ياواد ولدي ما عايزه احكي ياعيب الشوم بس اقولك معاها إللي يردهولها لا يقومها ولا يقعدوها دي بتجبلي اللقمه أكلها تشوف وشها تقول جيباها من بيت أبوها أومال لو مكانش ليا معاش كانت رمتني في الشارع دي خير جوزي إللي متمرمغه فيه دا كان ابوك زمان يضربها كنت أنا إللي أقف ليه وأزعق في ولدي وأضربه وكان ياكبدي عينه ماتترفعش من تحتيه والنبي ياولد ماتزعل مني قولت احكيلك علي حاصل وإن قالتلك ستك بتحكيلك على إيه ماجبلهاش سيره واصل على حياة أبوك ياولدي ماكان يطلعلها حس ولاحتى تنبر نبر زي بعضوا ياولدي ما أحنا خلاص رجلنا والقبر أنا بس قولت أحكيلك لا تفكر أمك شيلاني شيل دا بفرش فرشتي لنفسي والنبي مالقيالي حيل وأنت ياكبدي كنت تعملي كل حاجه وتفتفتلي حتى العيش والنبي ياكبدي ماحاسه حتى بطعم اللقمه من يوم مادخلت الجيش هحكي ...

إستحاله لمي ورقك وإرجعي إستحاله ليكي الرجوع خدتي قلبي كان سليم رجعتيه كان موجوع جايه بعد ضياع الوقت تألفي كام موضوع مستحيل اخلي قلبك يعيش يوم على قلبي عاله .......إستحاله قلبي لما كان يحبك كان طيب حبتين حبك لما شافك صافيه ونزلوا منك دمعتين بس حبك كان مصالح وضحكتي عليه بكلمتين  لو بس فهمك مره واحده مكنش يوم ناقص قواله ......... إستحاله كل مره كنت اسامحك واقول دي لسه دلعانه ينطفي شوقها في ثانيه وانا إللي ناري ولعانه ومن بحر حناني ياما سقيتك وكنتي ورده دبلانه ولما عودك طاب واستوى بقيتي لغيري مياله  ........ إستحاله إللي قلبك مال ليه رسملك صوره في الخيال قدر يضحك على قلبك وقولتي إنه في حبك ميال الحب للناضج يابت الحب عمره ما كان لعيال الخيل كتير وعلى ضهرها تشيل بس قليل الخياله ............ إستحاله  طول عمري كنت أداديكي لما فتح ربيع وردك وأبتسم وقلبي يدق لما شوفت الأحمر على خدك أديتك حب ما حبه قيس ودوقت المر على يدك وجايه بعد ما الزمن هدك تنزلي عالواتس حاله .......... إستحاله رجوعك صفحه واتقفلت لو هتنزل دموعك دم صفحتك قريتها كتير وماخدتش منها غير الغم تجارب بنعيشها في الدنيا من...

قلبك شباب يا واد قولي ليه شعرك شاب وباين عليك الكبر وسنتك تشبه الناب قولت الحمول التقيله بتشيب الطفل الرضيع وإللي مايحرس نفسه هيضيع.. لو كان أسد خلاب

...... يوم ما حبيبي مات......  أول مره أحس إني وحيد حسيت الزمن إنه لماضيه بيعيد  عرفت يومها يعني إيه بانت عليا تجاعيد  حسيت الدنيا عدد أيامها بيقل .....  عارف يعني إيه بإيدك تدفن حبيبك عارف يعني إيه تبقى بتشوف وفجأه بتضلم طريقك عارف يعني إيه تكمل عمر بدون سنيدك يااااااه يازمن امرك عجيب لما تنجح إنك تذل ......... حملك هيتقل بس لو راجل شيل مش حملك لوحدك دا حمل جيل ورا جيل وجعك من اليوم هيزيد وتعشق حزن المواويل هتعرف يعني إيه راجل لازم يعافر ومايمل .....  يوم ماتفارق حبيبك مش هتحس إنك شاب يعني لما تبقى واقف لوحدك تصرخ تقول دبر يارب هتعرف في ساعتها يعني إيه كلمة أب  لما كنت تعجز تطاطي كان بإيده عنك يقل ..... بعد الفراق هتحس إنك كبرت في العمر ولاعاد تفرق بين السود والحمر ولا عاد العشق زي زمان مابين بيض وبين سمر إنسى الدلع.. وإدفنه مع حبيبك راح الدلع مع إللي كان مايكل ......... الزمن يوم ماييجي عليك تلقى الأب ساندك أوعى تقول عم ولا خال يوم مايجبر بخاطرك يجاملك لو ليك مصلحه عنده زي الغريب مابيعاملك يوم ما تودع حبيبك خليك مسامح أوعى تربط راح إللي كان بيحل ...........

الفن الهابط فن هابط فن ساقط فن يعني قلة قيمه فن تخلع فيه هدومك تبقى عايز ضرب القديمه فن يعني تشوف إسفاف وبقت موضه الشتيمه يعني مختصر الكلام مينفعش فيه غير حد ساقط ....... فنكم بقي فن هابط جاتكم سم وألف خابط  اول مره اشوف جنازه كانت جنازة فنان يحضروا زمايله يدفنوه ياخدوا بعض بالأحضان  تتلم عليهم الصحافة وفجأه يظهروا في الإعلان دا كان يصلي دا كان يصوم وفي أي خير تلاقيه شابط ......... فنكم بقى فن هابط جاتكم سم وألف خابط  مشهد يبقى في اوضنة النوم مشهد ساخن مافيهوش هدوم مشهد بيبقى على العموم وتحملوه على ألف رابط ......... فنكم بقى فن هابط جاتكم سم وألف خابط واحده تلبس قال شفاف وتنام معاه تحت الحاف  ويعمل مشهد زمن ربنا مايخاف ياخي جاك السم وألف خابط ........... فنكم بقى فن هابط جاتكم سم وألف خابط فن إيه إللي نحترموه وأنتوا أصلآ مسخرتوه وبعامايلكم شوهتوه  وفاكرينه رصيد بتزودوه .............. وسماح أنور عامله مهمه وطالعه تشكك في الزمه وهي أساسآ أصلآ رمه ما يعبرها غير حد ساقط ...... فنكم بقي فن هابط جاتكم سم وألف خابط  ومره لمحمد رمضان يتسبب في موت إنسان أنا بتكلم ...

....... لو كنت ناسي......  لو نسيت أيام حنيني وفاكر إنك واد ملاوع لا دا كتير غيرك شاريني بس قلبى مش مطاوع ........ قلبي منكرش إنه حبك وعشقه ليك كان صدوق كان يتمني القعده جنبك ومن حنان العشق يدوق ....... وكان بيسرح في حكايات وياما غنى ليك أغاني كان يغنيها في سكات بس كان إحساسها عالي .......... وكنت بسهر كل ليله وصورتك مش مفارقه خيالي كنت مره أنام عليله  وأصحى على صوتك يا غالي ...........  .وأقعد أفكر فيك وأسرح وأنا قاعده ويا صحابي ولما تيجي سيرتك أفرح وأقول بحبه يا خرابي .......... بس قلبك كان أناني وحبك ليا كان خداع ياما منك كنت أعاني وخليتني أعيش سنين ضياع ............. روح منك لله يا قلبي خليتني أعيش حلم جميل  كنت أقولك حاول تخبي تقول ياقلبي مش بالإيد  ........ ............الشاعر احمد خلف الحامدي.........

...... من فتحة الشباك...... لمحتك ماشيه في الحاره وأنا من داخل البيت لما الهوى رفع الستاره قلت خلاص أنا حبيت ........ يومها كانت مطر وبركان  وهي ماشيه بتتمخطر الهوى من قباحته طير الفستان صرخت بعلو صوتي الله اكبر ........ سمعت صوتي من الشباك وقالت ياشاطر أختشي أنا واقفه بره وأتحداك لوكنت شوفت الشفتشي ......... ساعتها وشي جاب ألوان وخفت لا تروح تشتكي وأنا مش حمل كلام الجيران عيب وغلط وأختشي ......... طلعت أجري وأترجاها وأقولها ليكي أنا غلطان فجأه سمعت صوت وراها وجات خدتني بالأحضان ......... فجأه إتلموا أهل الحاره وقالوا ألطف يا منان فين الأدب فين الأماره يا واخدين بعض بالأحضان .......... قالت الهوى غدار وواعر  وأنا معديه طير فستاني وعشان عرفاه أديب وشاعر خفت منه خدته فى أحضاني .......... دا كان هيكتب في أشعار ويتغزل في إللي شافه كان هيكتر في الكلام وهيعلي قوي في هتافه .......... بس كان حلم جميل حلم كان ما فهوش خلاف فجأه وقعت من عالسرير وقمت شديت اللحاف ......... .......... الشاعر احمد خلف الحامدي...........

واجب على الحر يتقل ويسبب الهفايه تعاوي عمر الكوم مايشبه التل ولا تشبه الفعل ..للحكاوي

إن كان حنانك دلع يبقى دلعوا زاد عن حده لو نفسه تروح للتفاح يكفيه حته من خده لو هتحبسوه معاه لو فيه باب عجلوا بسده العشق مش بالكلام العشق للي نجم الليل عده حلال فيه السهر ماهو في الجمال مين قده وكيف ينام الليل والعاشق قلبها شده وفضل في الهوا عالق مستنى من قلبها رده ياخوفي لا يكون حلم ويصحى على التفسير ويلاقي جنبه غفير للمركز يروح شاده الشاعر احمد الحامدي